E.E.I Cristo da Victoria

Categoría: Uncategorized

Saída ecoparque Atalaia

As Cenorias visitamos o ecoparque Atalaia

O luns As Cenorias visitamos o ecoparque Atalaia xa que estamos a piques de rematar esta etapa e queriamos despedirnos cunha saída especial.

Estabamos todas e todos moi emocionados, pois iamos visitar un ecoparque e ademais quedaríamos a comer alí xunt@s.
Fixemos unha morea de actividades: tiro con arco, hípica, visita á horta e invernadoiros e tamén puidemos desfrutar de todos os animais.

A pesar de que o tempo non foi o mellor que puidemos ter, desfrutamos moitísimo e sen dúbida foi unha gran experiencia e despedida!

 

As Cenorias visitamos o CEP Celso Emilio Ferreiro

Hoxe as Cenorias fixemos unha visita moi especial… Visitamos o que será o noso próximo cole. Estabamos moi nerviosas/os e ilusionadas/os!! Ao entrar xa nos estaban esperando para darnos a benvida!!

Visitamos e coñecimos as aulas de 1º de primaria, pois serán as que ocupemos nós o vindeiro curso; tamén visitamos as de 2º, 3º, 4º… pois queriamos coñecer ás e aos profes, antigas e antigos compañeiros de escola, amigas/os, irmáns e irmás…

Despois pasamos ao comedor, onde nos agardaba unha merenda en compañía das nenas e nenos de 1º de primaria, cos que compartimos tamén un ratiño de lecer no patio.

Xa para rematar desfrutamos dos bailes cos que as nenas e nenos do Celso Emilio quixéronnos agasallar.

Moitas grazas por esta gran acollida!!

 

 

Axudas para material escolar curso 2018-2019

AXUDAS MUNICIPAIS PARA LIBROS E MATERIAL ESCOLAR CURSO 2018-19

AXUDAS MUNICIPAIS PARA LIBROS E MATERIAL ESCOLAR CURSO 2018-19

PRAZO DE PRESENTACIÓN

O prazo de presentación das solicitudes será do 31 de maio ao 27 de xuño, ambos incluídos.

As solicitudes presentaranse mediante cita previa, que se poderá solicitar a partir do 31 de maio, a través de:

Teléfonos: 010 ou 986 810 260

Páxina Web:www.vigo.org

RECOLLER OS IMPRESOS NA:

Secretaria da Escola

U.T.S R/Quintela, 986298118

Paxina web do Concello/Benestar Social

Certificado de matrícula: na Secretaria da Escola

COÑECENDO A MARIA VICTORIA MORENO

Durante esta mañá, nubes, estrelas , xoaniñas e cenorias acudimos a biblioteca do centro a escoitar  un dos contos mais fermosos de María Victoria Moreno, a autora homenaxeada no Día das Letras Galegas 2018.

O Cataventos ” conta a historia dun galiñeiro onde por culpa do fachendoso galo Don Pío, as pitas e paxaros non podian vivir en liberdade na aldea. A envexa e ambición que sinte son tan grandes que o levarán a soidade absoluta…

Por arte de maxia, as profes Asun e Fabia,  trasformáronse en contacontos. !!!Estivo xenial!!! foi moi dinámico, axudamos a atopar as letras do nome da autora, cantamos, bailamos, e para rematar nos  agasallaron un libro para xogar na aula e nos entregaron marcapaxinas para personalizar e levar para casa.

Aquí tedes unha mostra do ben que o pasamos descubrindo a esta gran muller, que pese a nacer en Cáceres foi unha namorada da nosa terra e deixou unha chea de obras na nosa lingua.

 

Saída Cine Miúdo

Festival Primavera do Cine

Hoxe Cenorias e Xoaniñas tivemos un primeiro contacto co “Cine Mudo”. Da man de ” Trio Caspervek” coñecimos a importancia da música no cine e, entre todos, escollemos a mellor música para escenas de películas coñecidas sen audio e mesmo algunhas e algúns escollidos puidemos colaborar tocando algún instrumento.
Para rematar descubrimos ao gran Charles Chaplin e o seu papel no cine mudo.

  • sdr

 

 

 

 

 

FESTA DOS MAIOS

Damos a benvida á primavera.

O pasado venres día 4 de maio celebramos na nosa escola a FESTA DOS MAIOS para dar a benvida á primavera, onde os nosos nenos e nenas decoraron un maio que deixaron precioso e o redor do cal cada clase cantou a súa copla.
Ademais tamén desfrutamos da música tradicional grazas o grupo folclórico de amig@s da escola, que nos acompañou unha vez mais nesta festa, e poder así bailar cos nosos amigos e amigas así como coas nosas familias…Mirade o ven que pasamos.

 

Saída ao museo Liste

Cenorias e Xoaniñas desfrutamos das actividades do museo Liste

Hoxe Cenorias e Xoaniñas visitamos o museo Liste para participar en dúas actividades.

As Cenorias participamos nunha actividade sobre a festa dos maios. En primeiro lugar lembramos por que se celebra esta festa tradicional para despois participar nun obradoiro no que fixemos e decoramos o noso propio maio e un “arco” propio da zona de Betanzos, a través do cal é típico pasar por baixo cantando unha canción.

 

Este trimestre  na aula das xoaniñas montamos  ” a casa da música” por este motivo disfrutamos do obradoiro de Instrumentos humildes ofertado polo Museo Liste.

Breve historia da súa fabricación e finalidade.

Descubrimos moitos obxectos de uso cotiá que se poden usar como instrumentos; botella de anís labrada, culleres, dedais con pota ou prato…

Fixemos unha viaxe ó pasado para coñecer os xoguetes  dos nosos avós que imitaban instrumentos, carrizos,roncollo, lapeta, reque-reque…
O obradoiro rematou coa confección dun  carrizo, e os fixemos sonar cando bailamos arredor do maio cas cenorias .

Antes de marchar, cantamos e bailamos todos xuntos arredor do maio!

Saída ó teatro “Antón comodón”


Hoxe nubes, estrelas, xoaniñas e cenorias visitamos o Teatro da nosa cidade. Disfrutamos da man da compañía L’Estaquirot teatre ca obra de teatro de monicreques en castelán “Antón Comodón”, dentro da programación de actividades para escolares de Afundación.

Esforzo, autonomía persoal e amizade son algúns dos valores que a obra Antón Comodón ensina aos máis pequen@s. A Antón, de neno, na súa casa facíanllelo todo, non era preciso que aprendese nada. Cando medrou, tiña un axudante para todo, Nicolás, mais un día este pensou que xa podía emprender a súa viaxe e marchou vivir ás illas Verdes deixando a Antón só…

 

Obradoiro de primeiros auxilios

Hoxe tivemos a sorte de participar nun obradoiro de primeiros auxilios.

Hoxe tivemos a sorte de participar nun obradoiro de primeiros auxilios.

Da man de Laura e Mariña, mamás da aula das Cenorias, aprendemos o que temos que facer en caso de accidente, hemorraxia, queimaduras, atragantamento…

…e por suposto practicamos reanimando aos nosos monecos, así de ben o fixemos!!

 

Moitísimas grazas unha vez máis ás mellores mestras de primeiros auxilios que puidemos ter, sodes xeniais!!

Agardamos que o desfrutarades tanto coma nós!